"იმისათვის, რომ გამოირიცხოს ერთპიროვნული, ან ერთ პარტიული მმართველობა ახლავე ამ ეტაპზე საჭიროა კონსტიტუციის შესაბამისი ნაწილის შეცვლა და სახელმწიფო მართვის სათანადო მოდელის შემოღება", - ამის შესახებ განცხადება პრემიერ-მინისტრობის კანდიდატმა ბიძინა ივანიშვილმა სესიის სხდომაზე გააკეთა, სადაც ახალი მთავრობის დამტკიცების პროცედურები ამ წუთებშიც მიმდინარეობს.
ივანიშვილის განმარტებით, კონსტუტუციაში ცვლილებები ფართო განხილვის შედეგად შევა და მაქსიმალურად იქნება გათვალისწინებული საზოგადოების აზრი.
„ჩვენი ხელისუფლება აამოქმედებს სახელმწიფო ორგანოთა დაბალანსებულ მოდელს, უზრუნველყოფს მრავალპარტიული პოლიტიკური სისტემის არსებობას, პარტიების დაფინანსების სისტემა შეიცვლება ისე, რომ მათ შეძლონ პოლიტიკური საქმიანობა და საარჩევნო კამპანიის სრულფასოვნად წარმართვა", - აღნიშნა ივანიშვილმა.
