დღეს, 25 ოქტომბერს, საქართველოს პარლამენტი ახალ მთავრობას დაამტკიცებს. მთავრობისთვის ნდობის გამოცხადება სესიის სხდომაზე იგეგმება. როგორც ცნობილია, ბოლო ორი დღის განმავლობაში საკანონმდენლო ორგანო პრემიერ-მინისტრობისა და მინისტრობის სამოქმედო პროგრამებს უსმენს.
"საქართველოს პარლამენტი, მისი კომიტეტები, ფრაქციები, გავეცანით ახლად წარმოდგენილი მთავრობის შემადგენლობას, პროგრამას, მათ პრიორიტეტებს, გვაქვს წარმოდგენა ხედვებზე ახალი მთავრობის. ამიტომ დღის წესრიგში უკვე შეტანილია მთავრობისთვის ნდობის გამოცხადების საკითხი. პლენარული სხდომა 25 ოქტომბერს, 12:00 საათზე გაიმართება", - აღნიშნა პარლამენტის თავმჯდომარემ, დავით უსუფაშვილმა, ბიუროს სხდომაზე.
შეგახსენებთ, რომ 1-ლი ოქტომბრის საპარლამენტო არჩევნებში უმრავლესობა "ქართულმა ოცნებამ" მოიპოვა, რაც იმას ნიშნავს, რომ "ქართულმა ოცნებამ" მთავრობის დაკომპლექტების უფლება მოიპოვა.
