პრეზიდენტი გურჯანიის მოსახლეობას შეხვდა. პრეზიდენტის გამოსვლამდე ხალხს პარლამენტის თავმჯდომარემ მიმართა და მოსახლეობას მადლობა გადაუხადა იმისათვის, ერთად ბრძოლითა და ერთად დგომით უკეთესი შედეგი მივიღეთ.
"მადლობა იმისთვის, რასაც თქვენ აკეთებთ, რადგანაც რაც ამ წლების განმავლობაში გავაკეთეთ, გაკეთდა თქვენთვის და თქვენთან ერთად და ის, რაც გაკეთდება სამომავლოდ, კეთდება თქვენთვის და თქვენთან ერთად", - აღნიშნა ბაქრაძემ.
მისი თქმით, საქართველომ წინსვლა უნდა გააგრძელოს და არასოდეს უნდა მოხდეს ძველი შემზარავი კადრების ხილვა.
პარლამენტის თავმჯდომარემ აღნიშნა, რომ საქართველომ ბევრ გაჭირვებას გაუძლო, იმიტომ, რომ ხალხი და ხელისუფლება იყო ერთად.
"ერთად დამდგარი საქართველო იქნება ყოველთვის ძლიერი", - განაცხადა ბაქრაძემ.