საქართველოს საგარეო საქმეთა მინისტრი ესტონეთის საგარეო საქმეთა მინისტრს ურმას პაეტს შეხვდა. შეხვედრაზე მხარეებმა ორ ქვეყანას შორის ურთიერთობის გაღრმავებასა და რეგიონში არსებულ სიტუაციაზე ისაუბრეს. ამასთან ორი ქვეყნის საგარეო უწყების ხელმძღვანელებმა ხელი მოაწერეს საქართველოს მთავრობასა და ესტონეთის რესპუბლიკის მთავრობებს შორის საქართველოსა და ევროკავშირს შორის უნებართვოდ მცხოვრებ პირთა რეადმისიის შესახებ შეთანხმების საიმპლემენტაციო ოქმს.
,,შეხვედრაზე ჩვენი განხილვის მთავარი თემა უპირველეს ყოვლისა ის დემოკრატიული რეფორმები იყო, რომელიც საქართველოში ხორციელდება და ის საგარეო კურსი, რომელიც საქართველოს აქვს არჩეული. ვისაუბრეთ ქვეყნებს შორის ორმხრივი ურთიერთობების გაღრმავებაზე, რომელიც ძალიან დინამიურად ვითარდება. შეხვედრაზე ასევე განვიხილეთ რეგიონში არსებული ვითარება", - განაცხადა ჟურნალისტებთან საქართველოს საგარეო საქმეთა მინისტრმა გრიგოლ ვაშაძემ.
