საწარმოთა მიერ განხორციელებულმა საქონლისა და მომსახურების მთლიანმა ყიდვებმა II კვარტალის განმავლობაში 7.5 მლრდ ლარი, ხოლო გადასაყიდად განკუთვნილი საქონლისა და მომსახურების ყიდვებმა - 4.8 მილიარდი ლარი შეადგინა.
"საქსტატის" ინფორმაციით, საქონლისა და მომსახურების მთლიანი ყიდვები საწარმოს ზომის მიხედვით შემდეგნაირად ნაწილდება: მსხვილი ბიზნესი - 82.2 პროცენტი, საშუალო ბიზნესი 7.1 პროცენტი, მცირე ბიზნესი - 10.7 პროცენტი.
თითქმის იდენტური ვითარებაა გადასაყიდად განკუთვნილი საქონლისა და მომსახურების ყიდვებზეც: მსხვილი ბიზნესი - 81.7 პროცენტი, საშუალო ბიზნესი - 6.8 პროცენტი, მცირე ბიზნესი - 11.5 პროცენტი.
საანგარიშო პერიოდში, საწარმოთა მიერ განხორციელებულმა მთლიანმა ინვესტიციებმა ფიქსირებულ აქტივებში შეადგინა 180 მილიონი ლარი, რაც საწარმოთა ზომის მიხედვით შემდეგნაირად ნაწილდება: მსხვილი ბიზნესი - 87.1 პროცენტი, საშუალო ბიზნესი - 8.5 პროცენტი, მცირე ბიზნესი - 4.4 პროცენტი.
