ავტოსაგზაო შემთხვევას გორის რაიონის სოფელ ხიდისთავში 16 წლის მოზარდი ემსხვერპლა.
ავტომანქანა ფეხით მოსიარულე მე-11 კლასის ორ მოსწავლეს დაეჯახა. ერთ-ერთი მათგანი ადგილზე დაიღუპა, მეორე კი სასწრაფო დახმარების ჯგუფმა გორის რაიონულ საავადმყოფოში გადაიყვანა. მას სხვადასხვა სახის მოტეხილობა აღენიშნება.
მომხდარ ავტოსაგზაო შემთხვევაზე აღძრულია სისხლის სამართლის საქმე და მიმდინარეობს გამოძიება.
