ეკონომიკისა და მდგრადი განვითარების მინისტრის მოადგილის, გიორგი კარბელაშვილის ინფორმაციით, ქუთაისის მშენებარე ტაუერი უკვე მსოფლიო დონისაა. როგორც გიორგი კარბელაშვილის facebook-ის ოფიციალურ გვერდზეა დაპოსტილი, "მსოფლიოს უნიკალური ტაუერების რიგებში საქართველოც მოხვდა. მსოფლიოს წამყვანი ქვეყნების განსხვავებული დიზაინისა და განსაკუთრებული იერის სამეთვალყურეო კოშკურები სახელმწიფოს კიდევ უფრო მეტ პრივილეგიებს აძლევს. საქართველო არასდროს ყოფილა იმ ქვეყნების როგებში, რომლის სამეთვალყურეო კოშკურები სიმაღლითა და დიზაინით პირველ ხუთეულში არიან"
კარბელაშვილის თქმით, ქუთაისის სამეთვალყურეო კოშკურა, რომლის მშენებლობაც სექტემბრისთვის სრულდება, სწორედ რომ ამ რიგებშია; რაც იმას ნიშნავს, რომ ჩვენი ქვეყანა კიდევ უფრო პრივილეგირებულია მსოფლიო ბაზარზე.