დღეს, 7 ივლისს, 12:00 საათზე, საქართველოს შსს აკადემიაში საგანგებო სიტუაციებზე რეაგირების ძალების მეხანძრე-მაშველთა სპეციალური პროფესიული მომზადების კურსის დასრულების ცერემონიალი გაიმართება.
აღნიშნული კურსის მიზანია საგანგებო სიტუაციებზე რეაგირების ძალების კვალიფიციური კადრებით უზრუნველყოფა. კურსი 2012 წლის 7 მაისს დაიწყო და 6 ივლისს დასრულდა. კურსზე ჩარიცხულმა 25-მა მსმენელმა სწავლა წარმატებით დაასრულა, მათ შორის სამმა - წარჩინებით. სწავლების ხანგრძლივობა 9 კვირაა.
კურსდამთავრებულებს შსს აკადემიის რექტორი დავით აფრასიძე და შსს საგანგებო სიტუაციების მართვის დეპარტამენტის დირექტორის მოადგილე გიორგი მანდარია სერთიფიკატებს გადასცემენ.
