ჰქონდა თუ არა გაერთიანებული წყალმომარაგების კომპანიის მიერ გამოცხადებულ ტენდერში მონაწილეობის მიღების უფება შპს კრისტალს, რომელსაც ის რკინის ცილინდრი ეკუთვნოდა, საიდანაც ქლორმა გაჟონა, ამაზე ჯერჯერობით კომენტარი არ გაკეთებულა. ასევე უცნობია, აკმაყოფილებდა თუ არა შპს საკვალიფიკაციო მოთხოვნებს.

საჯარო რესტრის მონაცემებით, შპს კრისტალი, რომელსაც რკინის ცილინდრი ეკუთვნოდა, საიდანაც ქლორის გაჟონვა მოხდა, 2011 წლის 22 ნოემბერს დარეგისტრირდა.

კომპანიის იურიდიული მისამართია ბოლნისი, დ. კაზრეთი, № 97/3, ბ. 83. შეზღუდული პასუხიმგებლობის საზოგადოების 100-პროცენტიანი წილი ლევან დათუაშვილს ეკუთვნის.

გაერთიანებული წყალმომარაგების კომპანიის მიერ გამოცხადებულ ტენდერში მითითებულია, რომ პრეტენდენტებმა უნდა წარადგინონ საკვალიფიკაციო მონაცემების დამადასტურებელი დოკუმენტები. იქვე მითითებულია, რომ იურიდიული პირისათვის საკვალიფიკაციო მონაცემებია :ა) ამონაწერი სამეწარმეო რეესტიდან. ბ) ცნობა, რომ ქონებაზე არ არის დადებული ყადაღა, (ცნობა საჯარო რეესტრის ეროვნული სააგენტოდან) გ) ცნობა, რომ არ ხორციელდება მისი რეორგანიზაცია ან ლიკვიდაცია და მის მიმართ არ მიმდინარეობს გაკოტრების ან სანაციის საქმის წარმოება (სასამართლოდან, საგადასახადო ინსპექციიდან). გამოცხადებულ ტენდერში მოთხვნილი არ არის პრეტენდენტის გამოცდილება და მის მიერ უსაფრთხოების გარანტიები.

შესაბამისად, სამართალდამცავებს კითხვები აქვთ გაერთიანებული წყალმომარაგების კომპანიის ხელმძღვანელთან ირაკლი კვაშილავასთანაც.

800-ლიტრიანი რკინის ცლინდრი, საიდანაც ქლორის გაჟონვა მოხდა გაერთიანებული წყალმომარაგების კომპანიის კონტრაქტორ ფორმას, შპს " კრისტალს" ეკუთვნის. კომპანიამ გაერთიანებული წყალმომარაგების კომპანიის მიერ გამოცხადებულ ტენდერში გაიმარჯვა.

ამ დრომდე დაკითხვაზე იმყოფება შპს " კრისტალის" ხელმძღვანელი ლევან დათუაშვილი.

წინასწარი გამოძიება დაწყებულია. საქმე აღიძრა 240-ე მუხლით, რაც საქმის წარმოებისას უსაფრთხოების ნომრების დარღვევას ითვალისწინებს. თუმცა არ არის გამორიცხული ეს მუხი ჩაანაცვლოს 288-ე მუხლმა - ბუნებისთვის საშიში ნივთიერების არასათანადო მოპყრობა, რამაც გარემოს დაბინძურება გამოიწვია და ადამიანების სიცოცხლეს საფრთხე შეუქმნა. ორივე მუიხლი 2-დან 5 წლამდე თავისუფლების აღკვეთას ან შეზღუდვას ითვალისწინებს.

შეგახსენებთ, რომ ლილოში რკინის ცილინდრი მწყობრიდან გამოვიდა და თხევადმა ქლორმა გაჟონა. დაზარალებულები არიან მიმდებარე კორპუსებში მცხოვრები ადამიანები, რომლებიც სხვადასხვა საავადმყოფოში გადაიყვანეს. გაჟონვა მოხდა 800-ლიტრიანი ქიმიური ავზიდან, რომელსაც ონკანი მოძვრა. დაზუსტებული ინფორმაციით, დაზარალებულია 73 ადამიანი, რომელთა შორის 20 ბავშვია და 1 ორსული. 18 წლის ახალგაზრდის მდგომარეობა განსაკუთრებულად კრიტიკულია. სპეციალისტების ინფორმაციით, ლილოში მოსახლეობის ევაკუაციის საჭიროება არ არსებობს. ქიმიურ ავზს დაზიანებული ონკანი გამოუცვალეს და უსაფრთხო ადგილზე გადაიტანეს.

ქლორის გაჟონვის გამო შესაბამისმა სამსახურებმა ჰაერის მდგომარეობაზე ტესტი ჩაატარეს. ტესტმა აჩვენა, რომ მიმდებარე ტერიტორიაზე ჰაერი ნორმის ფარგლებშია და პანიკის საფუძველი არ არსებობს.

დაზარალებულები ქვეყნის პრეზიდენტმა მოინახულა.