ბიძინა ივანიშვილის სასამართლო პროცესი 21 ივნისისთვის გადაიდო. როგორც ,,ჯი-ეიჩ-ენს" ბიძინა ივანიშვილის ადვოკატთა ჯგუფის წარმომადგენელმა არჩილ კბილაშვილმა განუცხადა, პროცესის გადადების მიზეზად სასამართლომ დაასახელა ის, რომ სასამართლო დარბაზში სხვა პროცესის ჩატარების დრო მოდიოდა და რეგლამენტით არა შეიძლებოდა ბიძინა ივანიშვილი პროცესი გაგრძელებულიყო.
"პროცესზე მხარეებმა თავისი პოზიციები დააფიქსირეს და ეს ფაქტი სტანდარტული პროცესია ამაში განსაკუთრებული არაფერია", _ განაცხადა ,,ჯი-ეიჩ-ენთან" არჩილ კბილაშვილმა.
შეგახსენებთ, სააპელაციო სასამართლოში დღეს ბიძინა ივანიშვილის მოქალაქეობის საკითხი განიხილეს.
ბიძინა ივანიშვილის ინტერესებს დღევანდელ პროცესზე ადვოკატები შალვა თადუმაძე, ალექსანდრე ბარამიძე, არჩილ კბილაშვილი და ზაქარია ქუცნაშვილი იცავდნენ, პრეზიდენტის მხარეს კი წარმოადგენდა თინათინ სირაძე, სამოქალაქო რეესტრს ჟანა ქოიავა და გიორგი გაბრიელაშვილი. საქმეს იხილავდნენ სააპელაციო სასამართლოს მოსამართლეები თეა ძამისტარაშვილი, ირაკლი შენგელია და ქეთევან დუგლაძე.
სააპელაციო განხილვა ბიძინა ივანიშვილის მოქალაქეობასთან დაკავშირებით, 21 ივნისს, 10:00 საათზე მტკიცებულებების გამოკვლევით გაგრძელდება.
