თბილისში, ფონიჭალაში, სადგურის ქუჩაზე 21 წლის ახალგაზრდის ცხედარი იპოვნეს. მის გვერდით კი - 17 წლის ჩიხლაძე უგონო მდგომარეობაში ნახეს.
ზურა სხირტლაძეს ჭრილობა გულმკერდის, ხოლო გოგონას თავის არეში აღენიშნებოდა. სამართალდამცავებმა შემთხვევის ადგილზე იპოვნეს იარაღი, რომელიც ზურა სხირტლაძის სახელზეა რეგისტრირებული. სავარაუდოდ, ახალგაზრდებს ერთმანეთი უყვარდათ.
გამოძიება ამ დრომდე რამდენიმე ვერსიაზე მუშაობს. ჯერჯრობით უცნობია ვის ეჭირა ტრაგედიის დროს ხელში იარაღი. ერთ-ერთი ვერსიით, გოგონას ჭრილობა ეჭვიანობის ნიადაგზე ზურაბ სხირტლაძემ მიაყენა, რის შემდეგაც თავი მოიკლა. მეორ ვერსიით - გოგონას, შესაძლოა, იარაღი გაუვარდა და ახალგაზრდა მოკლა, რის შემდეგაც თვითმკვლელობა სცადა.
სხირტლაძის ოჯახი ორივე ვერსიას გამორიცხავს და საქმეში მესამე პირის ყოფნას ვარაუდობს, რომელთანაც გარდაცვლილს გოგონას გამო კონფლიქტი ადრეც ჰქონია.
17 წლის გოგონა ამ დრომდე რჩება ინგოროყვას საავადმყოფოში. მას უკვე ჩაუტარდა ორი ოპერაცია, თუმცა ექიმების განცხადებით, მისი მდგომარეობა უმძიესია.
