ქრისტიან-დემოკრატიული მოძრაობა სოციალური დაცვის სახელმწიფო პროგრამის კრიტერიუმების გადახედვას ითხოვს. როგორც ქდმ-ს ერთ-ერთი ლიდერი მაგდა ანიკაშვილი ამბობს, სოციალური დახმარების პროგრამის ძირითადი პრობლემა სოციალურად დაუცველი მოსახლეობის შეფასებაა. მაგდა ანიკაშილის თქმით, ქულები სქემატურად ითვლება, რაც ბევრ სოციალურად დაუცველ პირს დახმარების გარეშე ტოვებს.
ამასთან დაკავშირებით დღეს მაგდა ანიკაშვილი ნაძალადევის რაიონში მცხოვრებ სოციალურად დაუცველ როსტიაშვილების ოჯახს ესტუმრა და აღნიშნულ საკითხზე მათ პირადად გაესაუბრა. ანიკაშვილი ადგილზე გაეცნო, რა პირობებში ცხოვრობს ოჯახი და რატომ არ მოხვდა ის სოციალურად დაუცველ პირთა ნუსხაში.
ანიკაშვილის თქმით, როსტიაშვილებს სოციალურმა სააგენტომ 88 000 ქულა მიანიჭა და საშეღავათო პირობების გარეშე დატოვა, რაც, მისი განცხადებით, უსამართლო გადაწყვეტილებაა.
მიუხედავად ოჯახის უკიდურესი გაჭირვებისა იგი არც სადაზღვეო და არც ფულადი დახმარების პროგრამაში არ არის. სოციალური დახმარების სახელმწიფო პროგრამის მიხედვით კი მაღალი ქულების აქვს მინიჭებული-აღნიშნა ანიკაშვილმა.
„არაობიექტურია ის კრიტერიუმები რაც დღეს მოქმედებს,რადგანაც სახლი სადაც არ არის არაფერი, ამ სახლის შეფასების შემდეგ ადამიანები არ უნდა იღებდნენ ისეთ ქულებს რომლებიც შემდგომ არ ისმახურებს არც ფინანსურ დახმარებას და არც ჯამრთელობის დაძრვევას" განაცხადა მაგდა ანიკაშვილმა.
