პარლამენტის საზოგადოებასთან ურთიერთობისა და ინფორმაციის დეპარტამენტის უფროსის მაკა გიგაურის განმარტებით, ქუთაისში, პარლამენტის ახალ შენობაში, ორი მედიაცენტრი იქნება.
მისი თქმით, ერთი მედიაცენტრი უშუალოდ სასესიო დარბაზთან, მეორე კი ბიუროს ოთახთან იქნება.
"ძირითად მედიაცენტრში იგივე კონცეფცია იქნება, რომელიც დღეს მოქმედ პარლამენტშია. ამ ცენტრში ჟურნალისტები საკომიტეტო, სასესიო და სხვა დარბაზებიდან პირდაპირ სიგნალსა და გამოსახულებას მიიღებენ. სასესიო და ბიუროს დარბაზები სხვადასხვა სართულებზე იქნება განთავსებული და იმის გამო, რომ ჟურნალისტებს მუშაობის პროცესში რაიმე დისკომფორტი არ შეექმნათ, მეორე მედიაცენტრი უშუალოდ ბიუროს ოთახთან მოეწყობა", - აღნიშნა გიგაურმა.
მისი ინფორმაციით, პარლამენტის აპარატის თანამშრომლები პარლამენტის გვერდით მშენებარე შენობაში იმუშავებენ.
შეგახსენებთ, მედიაში გავრცელდა ინფორმაცია იმასთან დაკავშირებით, რომ მედიაცენტრი უშუალოდ პარლამენტის ახალ შენობაში არ განთავსდებოდა.
