"თავისუფალი დემოკრატების" ლიდერი ირაკლი ალასანია სენაკში სამხედრო დასახლების მცხოვრებლებს შეხვდა. აფხაზეთიდან ნევნილ ასობით ოჯახს უკვე მესამე წელია სასმელი წყლის პრობლემა აქვს.
პარტიის პრესსამსახურის ინფორმაციით, გაუმართავი წყალმომარაგების სისტემის გამო ფეკალური მასები სასმელი წყლის სისტემაში ხვდება და მოსახლეობის იქ ცხოვრებას შეუძლებელს ხდის. ბოლო თვეების განმავლობაში, დაბინძურებული წყლით 6 ბავშვი მოიწამლა და ჰოსპიტალიზაცია დასჭირდა.
ადგილობრივი მოსახლეობა აღნიშნავს, რომ ამ პრობლემასთან ერთად, გაუსაძლის ანტისანიტარიაში ცხოვრობს. მათი თქმით, ბოლო არჩევნების დროს გადაღებილი საცხოვრებელი კორპუსების სარდაფები, დღეს ფეკალური მასით არის სავსე და წვიმის დროს წყალი ჩადის.
ირაკლი ალასანიას შფასებით, ეს არის ის დამოკიდებულება, რა დამოკიდებულაბაც აქვს სააკაშვილის მთავრობას ხალხის მიმართ.
"მე მივხვდი რატომ თქვა 2 დღის წინ აფხაზეთი საქართველო არ იყოო. მას არა მარტო აფხაზეთი, არამედ აფხაზეთიდან დევნილებიც არ უყვარს. ეს მდგომარეობა, რომელშიც ამ ხალხს ვხედავთ, სწორედ ამაზე მიანიშნებს. ძალიან მალე, ფულის სწორად ხარჯვით, ქართული ოცნება შეძლებს მოუგვაროს ხალხს პრობლემა", - განავცხადა ალასანიამ.
