ჭარნალში დასასვენებელი კომპლექსი აიგება. აჭარის მთავრობის თავმჯდომარემ, ლევან ვარშალომიძემ, ინვესტორებთან ერთად მოინახულა ჭარნალის ხეობა, სადაც ქართული კომპანია "აიეტი" დასასვენებელი კომპლექსის მშენებლობას გეგმავს.
პროექტის თანახმად, ჭარნალის სარეკრიაციო ზონაში გასართობი ცენტრი, 30 კოტეჯი და მოედანი აშენდება. შენობები ეკოლოგიურად სუფთა ხის მასალისგან აიგება. "აიეტი" გათვლას იმ ტურისტებზე აკეთებს, ვისაც ბუნებაში, ეკოლგიურად სუფთა გარემოში დასვენება იზიდავს.
"ჩვენი რეგიონისთვის ტურისტული პოტენციალი მხოლოდ ზღვა არ არის, ვითარდება სამთო ტურიზმიც - გომარდული და გოდერძის კურორტები. დასვენების ადგილებს მალე ჭარნალის ულამაზესი ხეობა შეემატება, სადაც დასასვენებელი კომპლექსი აიგება და ტურიზმის ცენტრად გადაიქცევა", - აღნიშნა ვარშალომიძემ.
დასასვენებელი კომპლექსი 50-მდე ადგილობრივს დაასაქმებს. მშენებლობა მომავალი ტურისტული სეზონისთვის დასრულდება.
