სამთავრობო საათზე მისვლის შემთხვევაში ნიკოლოზ რურუას კულტურული მემკვიდრეობის დაცვის შესახებ, თურქეთის სახელმწიფოსთან გასაფორმებელი ხელშეკრულების პროექტზე განმარტებას მოსთხოვენ.
როგორც ფრაქცია "ერთობა სამართლიანობისთვის" წევრების მიერ კულტურისა და ძეგლთა დაცვის მინისტრის მიმართ გაგზავნილ წერილშია ნათქვამი, გაურკვეველია, რატომ არ იყენებს საქართველო იმავე გზას, რაც სომხეთმა გამოიყენა თავისი კულტურული მემკვიდრეობის აღდგენისთვის.
"რატომ არ გააცანით კულტურული მემკვიდრეობის დაცვის შესახებ, თურქეთის სახელმწიფოსთან გასაფორმებელი ხელშეკრულების პროექტი საქართველოს პატრიარქს, საქართველოს პარლამენტს და ქართულ საზოგადოებას? გთხოვთ, გაგვაცნოთ კულტურული მემკვიდრეობის დაცვის შესახებ თურქეთის სახელმწიფოსთან გასაფორმებელი ხელშეკრულების პროექტი და რატომ არ იყენებს საქართველო იმავე გზას, რაც სომხეთმა გამოიყენა თავისი კულტურული მემკვიდრეობის აღდგენისათვის?" - მიმართავენ მინისტრს ოპოზიციონერი დეპუტატები.
შედგება თუ არა პარლამენტში სამთავრობო საათი 26 აპრილს, ხვალ გახდება ცნობილი. ხუთი მინისტრისთვის ფრაქციას, სულ 26 კითხვა აქვს გადაგზავნილი.