დღეს საქართველოს კანონმდებლობა ქვეყანაში საკაბელო პროდუქციის რეალიზებას არ ზღუდავს და არც გარკვეულ ხარისხობრივ ნორმებს უწესებს, შესამიასად შეუზღუდავად შემოდის იმპორტირებული საქონელი, რომელიც სხვადასხვა სავაჭრო ობიექტებსა თუ ბაზრობებზე ასევე შეუზღუდავად იყიდება. მომხარებელმა კი არ იცის პროდუქცია რა ნიშნის მიხედვით შეარჩიოს: იყიდოს ძვირადღირებული თუ იაფფასიანი პროდუქცია, იმპორტირებული თუ სამამულო საქონელი, რომელიც შესაძლოა ხარისხით არც განსხვავდებოდეს ერთმანეთისგან.
„დღეს კანონმდებლობიდან გამომდინარე საკაბელო პროდუქციის შემოტანა და მისი რეალიზაცია არ იზღუდება. უხარისხო იმპორტირებული საქონლისგან მომხმარებელი დაზღვეული არ არის, უფრო მეტიც, უხარისხო კაბელისგან გამოწვეული პრობლემის შემთხვევაში, არც პასუხიმგებელი პირი არსებობს, რომელიც მიყენებულ ზარალს აანაზღაურებს. ამიტომ კონტროლი და სათანადო შეზღუდვები საკაბელო პროდუქციაზე აუცილებელია. დღეს პროდუქციის ეტიკეტზე არ არის მითითებული მწარმოებელი კომპანია, რა ძაბვას უძლებს ესა თუ ის კაბელი, ვინ არის პასუხიმგებელია და ასე შემდეგ. თუ მომხმარებელი პროდუქციაზე უკმაყოფილობას გამოთქვამს, პასუხიმგებლობის ჯაჭვი უნდა მიდიოდეს პასუხიმგებელ პირამდე. „ - განმარტავს სს „საქკაბელის" სამეთვალყურეო საბჭოს თავმჯდომარე ედიშერ მამალაძე.
„საქკაბელი" ბაზარზე თავის დამკვიდრებას პროდუქციის მაღალი ხარისხით გეგმავს. „საქკაბელი" ცდილობს ხარისხით დაიმკვიდროს ბაზარზე სახელი. ქვეყანა ვითარდება, ამავდროულად ბაზარი მზარდია. შესაბამისად, ხარისხიან საკაბელო პროდუქციაზე მოთხოვნა დღითიდღე იზრდება. კომპანია ცდილობს დააკმაყოფილოს ეს მოთხოვნა.
„ბაზარი რეგულირდება მხოლოდ ცოცხალი ფაქტების შემდეგ, როდესაც ხდება ხანძარი. ამიტომ მომხარებელმა არ უნდა დაზოგოს თანხა საკაბელო პროდუქციის შეძენისას, „საქკაბელის" პროდუქცია ხელმისაწვდომია და ხარისხიანი. ამასთან პროდუქციის წარმოებისას მისი თითოეული ეტაპი კონტროლდება. გააჩნია მაიდენტიფიცირებელი აღნიშვნები: ვინ არის მწარმოებელი, რამდენ ძაბვას უძლებს, ვინ არის კონკრეტული პასუხიმგებელი ოსტატი და ასე შემდეგ. " - აღნიშნავს ედიშერ მამალაძე.
შეგახსენებთ, რომ „საქკაბელი" 1959 წელს დაარსდა.
წარმოების რეაბილიტაცია ახალი მენეჯმენტის მიერ 2006 წლიდან დაიწყო და დღეს 74 ტიპის დასახელების 2000-ზე მეტი დასახელების ასორტიმენტს აწარმოებს. 2006-2007 წლებში ქარხანაში 3 მილიონი დოლარის ინვესტიცია განხორციელდა.
2007-2011 წლებში ქართული პროდუქციით რუსული და სხვა იმპორტული პროდუქციის ჩანაცვლება განხორციელდა: მოხდა საქართველოს ქალაქებისა და სოფლების გამრიცხველიანება, შეიცვალა გარე განათების სისტემა საქართველოს მსხვილ ქალაქებში, განხორციელდა საქართველოს რკინიგზისთვის სასიცოცხლოდ აუცილებელი სპეციფიკური კაბელების წარმოება, განხორციელდა ექსპორტი სომხეთის რესპუბლიკაში. საწარმოში დასაქმებულია 200 თანამშრომელი, რომელთა საშუალო ხელფასი 600 ლარს აღემატება.