საქართველოს სტატისტიკის ეროვნული სამსახურისა და ჰოლანდიის სტატისტიკის სამსახურის ერთობლივი პროექტის ფარგლებში 16-17 აპრილს ჰოლანდიის სტატისტიკის სამსახურში დაგეგმილია საქსტატის თანამშრომელთა ორდღიანი სამუშაო ვიზიტი. ვიზიტი ხორციელდება საქსტატსა და ჰოლანდიის სტატისტიკის ბიუროს შორის ორმხრივი თანამშრომლობის პროექტის ფარგლებში, რომელიც მიზნად ისახავს შინამეურნეობების გამოკვლევების მეთოდოლოგიის სრულყოფას და გამოკვლევიდან მიღებული მონაცემების ხარისხის გაზრდას.
საქსტატის თანამშრომელთა ვიზიტის მიზანია ადგილზე გაეცნონ ჰოლანდიის სტატისტიკის გამოცდილებას შინამეურნეობათა გამოკვლევების განხორციელების კუთხით. სამუშაო ვიზიტი ჩატარდება ჰოლანდიის სტატისტიკის როგორც ცენტრალურ, ასევე რეგიონალურ ოფისში.
პროექტი დაფინანსებულია ჰოლანდიის მთავრობის მიერ.
