შემოსავლების სამსახური „ჩეკების გათამაშების“ პრეზენტაციას გამართავს, როგორც შემოსავლების სამსახურში განმარტავენ, ხვალ, 17 აპრილს, 18:00 საათზე, სასტუმრო „ჰოლიდეი ინ“ - ში „ჩეკების გათამაშების“ პრეზენტაცია გაიმართება. პრეზენტაციას დაეწრებიან პროექტის პარტნიორები და ბიზნესის წარმომადგენლები. როგორც ცნობილია სალარო აპარატის ჩეკით 9 მლნ ლარი, ეტაპობრივად გათამაშდება. მთავრობამ უკვე გააჟღერა ინფორმაცია, რომ სალარო აპარატის ჩეკი ლატარიის ბილეთის ფუნქციას იძენს. პრიზის მოსაგებად რაიმე გათამაშების მოწყობა არ იგეგმება, რადგანაც პრიზის მოგების საშუალებს ჩეკის მფლობელს ავტომატურად მიეცემა. ჩეკი მომგებიანია თუ არა მფლობელს ავტომატურად ეცნობება. შეგახსენებთ, რომ პარლამენტმა უკვე დაამტკიცა „ლატარიების, აზარტული და მომგებიანი თამაშობების მოწყობის შესახებ" საქართველოს კანონში ცვლილებები, რომლის მიხედვით, ჩეკის მფლობელი შემოსავლების სამსახურის მიერ ჩატარებული გათამაშების მონაწილე ხდება. აღნიშნული ინიციატივით, შემოსავლების სამსახური გაყიდული საქონლის აღრიცხვის კონტროლს განახორციელებს, რადგანაც კლიენტს უკვე ინტერესიც უჩნდება გამყიდველისაგან ჩეკი აუცილებლად მიიღოს.