„საქართველოს დინამიურად მზარდ ბაზარზე შემოსვლა „ვენდის" აღმოსავლეთ ევროპაში განვითარების გრძელვადიანი სტრატეგიის ნაწილია. ჩვენთვის საამაყოა, რომ გვაქვს საშუალება ისეთ ძლიერ ბიზნეს ჯგუფთან ვითანამშრომლოთ, როგორიც „ვისოლია". მით უმეტეს, რომ ჩვენთვის, როგორც „ვისოლ ჯგუფისთვის", პროდუქციისა, თუ მომსახურეობის ხარისხი უმთავრესი პრიორიტეტია. ჩვენ გვჯერა, რომ „ვენდის" უგემრიელესი საფირმო კერძები - ბურგერები და ქათმის ხორცის სენდვიჩები, ბოსტნეულის სალათები, შემწვარი კართოფილი, ნაყინის ფართო არჩევანი და სხვა დესერტები, რომლებიც შეკვეთისას მზადდება, ყველაზე მომთხოვნ ქართველ მომხმარებელსაც მოხიბლავს ფართო არჩევანითა და უმაღლესი ხარისხით"- აღნიშნა „ვენდის" საერთაშორისო პრეზიდენტმა დარელ ვან ლიგტენმა.

„ვისოლ ჯგუფში" კი განმარტავენ, რომ Wendy's პირველი რესტორანი 2012 წლის ბოლოს, ან 2013 წლის დასაწყისში თბილისში, რუსთაველის გამზირზე ფოსტის ყოფილ შენობაში გაიხსნება. ამ შენობაშივე გაიხსნება „სმარტის" სუპერმარკეტიც, „ვისოლ ჯგუფის" სამეთვალყურეო საბჭოს თავმჯდომარე სოსო ფხაკაძე კი აცხადებს, რომ თბილისის შემდეგ „ვენდი" ბათუმსა და ქუთაიში გაიხსნება.

„ჩვენ გვეამაყება, რომ „ვენდი" საქართველოს ბაზარზე შემოვიდა და ძალისხმევას არ დავიშურებთ ბრენდის ქსელის გაფართოებისთვის საქართველოსა და აზერბაიჯანში. „ვენდი" მსოფლიოს უმსხვილესი ბრენდია და დარწმუნებულები ვართ, რომ მას ქართველი მომხმარებელი შეიყვარებს. ამას გარდა მოხარულნი ვართ, რომ „ვენდის" სახით „ვისოლ ჯგუფს" ფრანგული ნავთობგიგანტი „ტოტალისა" და იტალიური „აპის" შემდეგ, კიდევ ერთი მნიშვნელოვანი ექსკლუზიური პარტნიორი ყავს და ჩვენ ერთობლივად შევძლებთ კიდევ უფრო მნიშვნელოვანი წვლილი შევიტანოთ საქართველოს ეკონომიკის შემდგომ განვითარებასა და ახალი სამუშაო ადგილების შექმნაში"- განაცხადა „ვისოლ ჯგუფის" სამეთვალყურეო საბჭოს თავმჯდომარემ სოსო ფხაკაძემ.

როგორც ცნობილია "ვენდი" მსოფლიოში წამყვანი ბრენდია სწრაფი კვების სექტორში. "ვენდი" ამერიკასა და ევროპის 27 ქვეყანაში 6500 სწრაფი კვების რესტორანს ფლობს. აღსანიშნავია ისივ, რომ ყოფილი საბჭოთას კავშირის სივრცეში „ვენდის" რესტორნები მხოლოდ რუსეთშია და ამიერიდან მისი გახსნა ეტაპობრივას საქართველოსა და აზერბაიჯანში დაიწყება.
საქართველოში „ვენდის" ოფიციალურ შემოსვლას საქართველოს მთავრობაშიც მიესალმებიან. ქვეყნის პრემიერ-მინისტრი ამბობს, რომ საქართველოში რაც შეიძლება მეტი ამერიკული ბრენდი უნდა შემოვიდეს. ნიკა გილაური ქვეყანაში „ვენდის" შემოსვლას ქვეყნის ეკონომიკურ განვითარებას უკავშირებს და აცხადებს, რომ რაც უფრო მეტი ბრენდი შემოვა ქვეყანაში, მას უფრო მეტი უცხოელი ტურისტი შემოყვება, რაც საერთო ჯამში ასახვას საქართველოს ეკონომიკაზე პოვებს. ნიკა გილაურის განმარტებით, „ვენდის" თითოეულ რესტორანში 50-მდე ადამიანი დასაქმდება, ამას დაემატება 250-მდე დასაქმებული დისტრიბუციაში, რაც იმას ნიშნავს, რომ „ვენდი" საერთო ჯამში 1000-მდე ახალ სამუშაო ადგილს შექმნის.

უკვე ცნობილია, რომ სწრაფი კვების ობიექტებში დასაქმებულები გადამზადებას აშშ-ში გაივლიან.

ქვეყნის ეკონომიკისა და მდგრადი განვითარების მინისტრის განმარტებით, „ვენდი" ამერიკაში სწრაფი კვების ობიექტების ბიზნესში McDonalds -ის შემდეგ სიდიდით მეორე კომპანიაა.
„ვენდის" შემოსვლა ქვეყნისათვის მნიშვნელოვანია, რაც იმას ნიშნავს, რომ ასობით ადამიანი დასაქმდება ამ რესტორნებში. McDonalds-ის ერთ რესტორანში 60-მდე დასაქმებულია და ზუსტად ანალოგიური მოხდევბა „ვენდის" რესტორნებშიც. აშშ-ში ეს არის რიგით მეორე ქსელი McDonalds-ის შემდეგ. ვფიქრობ ასეთი ტიპის ბრენდების შემოსვლა საქართველოს ბაზარზე, სხვებს უჩვენებს იმას, რომ საქართველოში ინვესტირება თავისუფლად შეუძლიათ"- აღნიშნა ეკონომიკისა და მდგრადი განვითარების მინისტრმა ვერა ქობალიამ.

ეკონომიკისა და მდგრადი განვითარების მინისტრს „ვისოლ ჯგუფის" მიმართ ერთი თხოვნაც აქვს. ვერა ქობალიას თხოვნაა, რომ „ვენდის" რესტორანი ქუთაისის საერთაშორისო აეროპორტის მიმდებარე ტერიტორიაზეც გაიხსნას.