iPhone 5 სარეალიზაციო ქსელში ივნისში ჩაეშვება. ახალი თაობის iPhone-ს 4-დიუმიანი ეკრანი და ბრტყელი - სწორკუთხა კორპუსი ექნება.
ივნისი გაყიდვაში iPhone-ის ახალი მოდელის გამოსვლის შესახებ ინფორმაცია Foxconn-ის ერთ-ერთმა ხელმძღვანელმა განაცხადა და დასძინა, რომ iPhone 5-ის წარმოებისთვის კომპანიამ 18 ათასი თანამშრომელი დაიქირავა.
აღსანიშნავია, რომ iPhone 5-ი ძირითადად ახალ საწარმოში აეწყობა, რომელიც ჩინეთში მდებარეობს. გავრცელებული ინფორმაციის თანახმად, ახალი iPhone-ის 80 %-ის აწყობა სწორედ ამ ახალ საწარმოში მოხდება.
შეგახსენებთ, რომ კომპანია Apple-ს ახალი iPhone-ის გამოსვლას, ტრადიციისამებრ ივნისისთვის აანონსებს. 2008 წელს ივნისში Worldwide Developers Conference-ზე iPhone 3G-ის პრეზენტაცია მოხდა, 2009 წლის ივნისში კი - iPhone 3GS-ის, 2010 წლის ივნისში - iPhone 4-ის პრეზენტაცია გაიმართა. კომპანიამ ტრადიცია მხოლოდ 2011 წელს დაარღვია და iPhone 4S-ი ოქტომბერში გამოუშვა. ბოლო ფაქტის გამო ანალიტიკოსები ვარაუდობენ, რომ iPhone 5-ი სწორედ შემოდგომაზე გამოვა.