„გამოფენაზე ცნობილი ბრენდების პროდუქცია იყო წარმოდგენილი. აქ იყიდება ყველაფერი, მათ შორის ახალი დანადგარები, ახალი ტექნოლოგიები, ახალი ტიპის ნედლეული. საკმაოდ დიდი შთაბეჭდილებებით დავბრუნდით და საკმაოდ ბევრი სასარგებლო ინფორმაცია შევიტყვეთ. წლების წინ ჩვენ 10 ტიპის 30-მდე დასახელების პროდუქციას ვაწარმოებდი, ახლა ეს მაჩვენებელი საკმაოდ გაიზარდა, 74 ტიპის 2000-მდე დასახელების პროდუქციას ვაწარმოებთ. ეს არის საწყისი იმისა, რომ ჩვენ კიდევ გავზრდით ასორტიმენტს," - აღნიშნვას სს „საქკაბელის" სამეთვალყურეო საბჭოს თავმჯდომარე ედიშერ მამალაძე.

პოპულარული გამოფენის ვიზიტორთა რიცხვი ყოველწლიურად იზრდება. წელს საერთაშორისო გამოფენას 30-მდე ქვეყნიდან ხუთი ათასამდე მონაწილე და ათიათასობით სტუმარი ჰყავდა.

SegaxsenebT, rom „საქკაბელი" 1959 წელს დაარსდა. წარმოების რეაბილიტაცია ახალი მენეჯმენტის მიერ 2006 წლიდან დაიწყო და დღეს 74 ტიპის დასახელების 2000-ზე მეტი დასახელების ასორტიმენტს აწარმოებს. 2006-2007 წლებში ქარხანაში 3 მილიონი დოლარის ინვესტიცია განხორციელდა. 2007-2011 წლებში ქართული პროდუქციით რუსული და სხვა იმპორტული პროდუქციის ჩანაცვლება განხორციელდა: მოხდა საქართველოს ქალაქებისა და სოფლების გამრიცხველიანება, შეიცვალა გარე განათების სისტემა საქართველოს მსხვილ ქალაქებში, განხორციელდა საქართველოს რკინიგზისთვის სასიცოცხლოდ აუცილებელი სპეციფიკური კაბელების წარმოება, განხორციელდა ექსპორტი სომხეთის რესპუბლიკაში. საწარმოში დასაქმებულია 200 თანამშრომელი, რომელთა საშუალო ხელფასი 600 ლარს აღემატება.