თბილისში ZARA-ს პირველი ოფიციალური მაღაზია იხსნება. როგორც დღეს საქართველოში კომპანია Inditex-ის ოფიციალური წარმომადგენლობის AlHokair ჯგუფის-ის გენერალურმა დირექტორმა იასინე სიბარიმ განახცადა, ZARA-ს პირველი ოფიციალური მაღაზია 6 აპრილს, "თბილისი მოლში" გაიხსნება. 7 აპრილიდან კი ქართველ მომხმარებელს საშუალება ეძლევა მსოფლიო ბრენდის ხარისხიანი პროდუქცია შეიძინონ. ZARA-ს მაღაზიაში კოლექციის განახლდება მოხდება ყოველკვირეულად, როგორც ქალებისთვის, ასევე მამაკაცებისა და ბავშვებისთვის, რაც იმას ნიშნავს, რომ მომხმარებელს მუდმივად ექნება მრავალფეროვანი არჩევანის საშუალება.
AlHokair ჯგუფი საქართველოში კომპანია Inditex-ის ოფიციალური წარმომადგენლობაა, რომელსაც მსოფლიოს მაშტაბით უკვე 5 000 მეტი მაღაზია აქვს გახსნილი და ამჯერად უკვე საქართველოს ბაზარზე შემოყავს მასში გაერთიანებული 6 ბრენდი: ZARA, Massimo Dutti, Bershka, Stradivarius, Oysho, Pull & Bear and Uterque.
როგორც დღეს გამართულ ბრიფინგზე AlHokair ჯგუფის-ის გენერალურმა დირექტორმა იასინე სიბარიმ განმარტა, კოლექციის განახლება კვირაში ორჯერ მოხდება. "თბილისი მოლში" გახსნილ Inditex-ის მაღაზიებში კი 300-მდე თანამშრომელი დასაქმდება, ხოლო უახლოეს 2-3 წელიწადში კომპანია გაფართოებას გეგმავს და საქართველოში დამატებით 10 ბრენდის შემოყვანას აპირებს. მისივე განმარტებით, ZARA-ს მაღაზიები თბილისში, რუსთაველის გამზირზე და ბათუმში გაიხსნება.
AlHokair ჯგუფის-ის გენერალურმა დირექტორმა იასინე სიბარიმ დღესვე კომენტარი გაკეთა საქართველოში უკვე მოქმედ ე.წ. ZARA-ს მაღაზიებზეც და აღნიშნა, რომ ისინი მათ კონკურემციას ვერ გაუწევენ და ამ მხრივ უკვე ყველაფერი მოგვარებულია. AlHokair ჯგუფის-ის გენერალური ამბობს, რომ ისინი ZARA-ს ოფიციალურ წარმომადგენლობას კონკურენციას ვერ გაუწევენ, რადგანაც ისინი გასული წლების კოლექციებს ყიდიან, ხოლო მათთან კოლექციის განახლება კი კვირაში რამდენჯერმე მოხდება.
დღეისათვის ZARA-ს ბრენდი მსოფლიოს 78 ქვეყანაშია წარმოდგენილი. საქართველოში ZARA-ს პირველი ოფიციალური მაღაზია თბილისში მისამართზე დიღმის 8, აღმაშენებლის ხეივანი 16/3-ში მდებარე თბილისი მოლში 2000 კვ/მ-ზე განთავსდება. მაღაზიაში 70 ადამიანი დასაქმდება.
