საპარლამენტო უმრავლესობის ერთ-ერთი ლიდერი პავლე კუბლაშვილი მიიჩნევს, რომ ბიძინა ივანიშვილს საქართველოს მოქალაქეობის სურვილი თავად ნაკლებად აქვს. ამის შესახებ მან ჟურნალისტებთან NDI-ის კვლევების კომენტირებისას განაცხადა, რომლის თანახმადაც, ივანიშვილისთვის საქართველოს მოქალაქეობის აღდგენას გამოკითხულთა 70% ემხრობა.
კუბლაშვილის განცხადებით, მმართველი გუნდისთვის მნიშვნელოვანია და ყურადაღებია ნებისმიერი კვლევა, რომელიც ქვეყანაში ტარდება.
"ძალიან ბევრი საინტერესო რამ შეიძლება გამოიკვეთოს ამა თუ იმ კვლევიდან, მათ ჩვენ სერიოზულად განვიხილავთ. ვფიქრობ, რომ ივანიშვილის მოქალეობის თემა არის მხოლოდ სამართლებრივი საკითხი. მან ორჯერ თქვა უარი საქართველოს მოქალაქეობაზე და ვინმეს უნდა თუ არ უნდა, ის იყოს საქართველოს მოქალაქე, მთავარია მისი მხრიდან ორჯერ დაფიქსირდა, რომ რეალურად ჩვენი ქვეყნის მოქალაქეობის სურვილი ნაკლებად ჰქონდეს. ეს საკითხი არის სამართლებრივი საკითხი და მხოლოდ სამართლებრივ ჭრილში განიხილება", - აღნიშნა კუბლაშვილმა.
აშშ-ის ეროვნულ-დემოკრატიული ინსტიტუტის (NDI) კვლევის თანახმად, ბიძინა ივანიშვილისთვის საქართველოს მოქალაქეობის აღდგენას გამოკითხულთა 70% ემხრობა. როგორც NDI-ის საქართველოს ოფისის დირექტორმა, ლუის ნავარომ კვლევის პრეზენტაციისას განაცხადა, გამოკითხულთა მხოლოდ 8% მიიჩნევს, რომ ივანიშვილს მოქალაქეობა არ უნდა აღუდგეს.