ბიძინა ივანიშვილი დაკისრებული ჯარიმისთვის კონტროლის პალატას სასამართლოში უჩივის. აღნიშნულის შესახებ ბიზნესმენის ადვოკატმა ზაქარია ქუცნაშვილმა განაცხადა.
"კონტროლის პალატის მიერ მიღებული კიდევ ერთი უკანონო გადაწყვეტილება ბიძინა ივანიშვილის დაჯარიმების შესახებ, უკანონოა იმის გამო, რომ მისი ქმედება უკანონოდ შეიძლება ჩათვლილიყო მხოლოდ იმ შემთხვევაში, თუ ეს ფიზიკური პირები, ადვოკატები, პიარისტები გაუთანაბრდებოდნენ რომელიმე პოლიტიკურ პარტიას. აქედან გამომდინარე, კონტროლის პალატა ამ უკანონო გადაწყვეტილებით გამოუვიდა ისე, რომ თითქოს ადვოკატები, საერთაშორისო ურთიერთობის სპეცილასიტები პოლიტიკური პარტიები არიან", _ განაცხადა ქუცნაშვილმა.
შეგახსენებთ, კონტროლის პალატის პოლიტიკური პარტიების ფინანსური მონიტორინგის სამსახურში მიმდინარეობდა ადმინისტრაციული საქმის წარმოება, ფიზიკური პირის, ბიძინა ივანიშვილის მიერ პირადი ანგარიშიდან "აიპ" "ქართული ოცნების" პოლიტიკური გუნდის წევრთა უკანონო დაფინანსების ფაქტზე, რომლის შედეგად ბიძინა ივანიშვილს ჯარიმის სახით 272.597 ლარის გადახდა დაევალა.
