პარლამენტში "მოქალაქეთა პოლიტიკური გაერთიანებების შესახებ" კანონში ცვლილებების არასამთავრობო ორგანიზაციების მიერ წარმოდგენილი ვარიანტი დარეგისტრირდება. ამის შესახებ განაწყვეტილება იურიდიულ კომიტეტში დღეს გამართული განხილვისას მიიღეს.
როგორც განხილვის შემდეგმ კომიტეტის ხელმძღვანელმა პავლე კუბლაშვილმა განაცხადა, იურიდიული კომიტეტი იმ წინადადებების ინიციატორი გახდება, რომელიც არასამთავრობო ორგანიზაციებმა შემოიტანეს.
"ნაყოფიერი სამუშაო პროცესი გვქონდა. ბევრი საკითხის შესახებ შევთანხმდით, რაზედაც შეთანხმება არ არის, ბუნებრივია, მუშაობა გაგრძელდება. მაგრამ ბიუროს მომდევნო სხდომიდან ეს წინადადებები ოფიციალურად გახდება საკანონმდებლო ინიციატივები და მისი განხილვა დაიწყება კომიტეტებში და პლენარულ სხდომაზე", - განაცხადა კუბლაშვილმა.
მისი განმარტებით, კანონპროექტში შეთანხმებულ საკითხებთან ერთად იქნება შეუთანხმებელი საკითხებიც და მათ შემდეგ კომიტეტი განიხილავს.
შეგახსენებთ, რომ კოალიაცია "ეს შენ გეხება" პარლამენტის მიერ დეკემბერში დამტკიცებულ "მოქალაქეთა პოლიტიკური გაერთიანებების შესახებ" კანონში ცვლილებების შეტანას მითხოვდნა. კონსულტაციების შედეგად კი რამდენიმე საკითხზე შეთანხმება მიღწეულია.