გაეროს სახელმწიფო მმართველობისა და განვითარების მენეჯმენტის ქვეგანაყოფილების (DPADM) კვლევის - "E-Government Sur-vey 2012: E-Government for the People" მიხედვით, საქართველომ მნიშვნელოვან წარმატებებს მიაღწია ელექტრონულ მმართველობაში.
გაეროს ელექტრონული მმართველობის შესახებ 2012 წლის კვლევაში, საქართველო მსოფლიოს 190 ქვეყანას შორის 72-ე ადგილზე დასახელდა (0,5563 ქულით) და პოზიცია 2010 წელთან შედარებით 28 საფეხურით გაიუმჯობესა. 2010 წლის ამავე რეიტინგში, საქართველო, მე-100 ადგილზე იმყოფებოდა.
აღნიშნული რეიტინგით, საქართველო წინ უსწრებს ისეთ ქვეყნებს, როგორიცაა: თურქეთი (მე-80 პოზიცია), სომხეთი (94), აზერბაიჯანი (96), ეგვიპტე (107) და ა. შ. რეიტინგში პირველ ადგილს კორეის რესპუბლიკა, ხოლო უკანასკნელს ლიბია იკავებს.
ელექტორონული მმართველობის რეიტინგში გათვალისწინებულია შემდეგი კომპონენტები: ონლაინმომსახურება, ადამიანური კაპიტალი, ინფრასტრუქტურა, ელექტრონული ჩართულობა (მონაწილეობა). აღსანიშნავია, რომ 2012 წელს საქართველომ ქულები გაიუმჯობესა ონლაინმომსახურების, ინფრასტრუქტურისა და ელექტრონული ჩართულობის კომპონენტებში.