მაღაზიის ინტერიერი ტრადიციულ, ქართულ სტილშია გადაწყვეტილი, სადაც მხოლოდ „მეღვინეობა ხარებას" ღვინოები იყიდება. როგორც სააგენტო „ჯი-ეიჩ-ენს" „მეღვინეობა ხარებაში" განუცხადეს, მაღაზიაში უკვე შეტანილია, მათ მიერ წარმოებული 30 ათასი ბოთლი ღვინო.

შეგახსენებთ, რომ ღვინის მწარმოებელი კომპანია „ მეღვინეობა ხარება" აწარმოებს 30-მდე სხვადასხვა სახეობის ღვინოს. კომპანიის საკუთრებაშია 750 ჰა-ზე მეტი ვენახი. "მეღვინეობა ხარება" ძირითადად იყენებს ქართულ ენდემურ ვაზის ჯიშებს. ხარება ასევე აწარმოებს ღვინოს რამოდენიმე ევროპული ჯიშის ყურძნისგან.

კომპანიის საკუთრებაშია 2 ღვინის საწარმო: პრემიუმ ტიპის ღვინოების წარმოებაზე სპეციალიზირებული საწარმო თერჯოლაში და ვაჩნაძიანში არსებული საწარმო, რომელიც ძირითადად ინდისტრიულ ღვინოებს აწარმოებს. კომპანია ასევე ფლობს ღვინის დასაძველებლად განკუთვნილ გვირაბს, რომელიც ყვარელში მდებარეობს.

„მეღვინეობა ხარება"-ს პროდუქციის ჩამონათვალში შედის: სუფრის ტიპის ღვინოები, პრემიუმ კლასის ღვინოები, ქვევრში დაყენებული ღვინოები კახური და იმერული მეთოდით, ფრანგულ მუხის კასრში დაძველებული ღვინოები და კლასიკური მეთოდით დამზადებული ცქრიალა ღვინოები. ასევე აღსანიშნავია, რომ კომპანია აწარმოებს წიპწის ზეთს