საქართველოს სტატისტიკის ეროვნული სამსახურისა და შვედეთის სტატისტიკის ერთობლივი პროექტის ფარგლებში 19 მარტიდან 23 მარტის ჩათვლით დაგეგმილია შვედი სტატისტიკოსების ვიზიტი საქსტატში.
აღნიშნული სამუშაო შეხვედრა სტატისტიკური მეთოდოლოგიის 5-კვირიანი ტრენინგის რიგით მეხუთე და დასკვინითი ეტაპია, რომელიც კვლევის სტატისტიკურ მეთოდებს შეეხება. სასწავლო კვირის განმავლობაში განხილული იქნება ისეთი საკითხები, როგორიცაა კომპლექსური კვლევები, მონაცემთა შეგროვების მეთოდები, გამოუპასუხებლობა კვლევებში, გამოუპასუხებლობის წონების განსაზღვრა და განვლილი მასალების მოკლე მიმოხილვა.
საქსტატსა და შვედეთის სტატისტიკას შორის 3-წლიანი თანამშრომლობის პროექტის ფარგლებში შვედეთის სტატისტიკა საქსტატს ტექნიკურ დახმარებას უწევს ინფლაციის, მთლიანი შიდა პროდუქტის, თანამშრომელთა ტრენინგის და სხვა ძირითადი სტატისტიკური კომპონენტების ხარისხის გაუმჯობესების მიმართულებით. პროექტის ბიუჯეტი 4 მილიონი ლარის ექვივალენტს შეადგენს შვედურ კრონებში და მთლიანად დაფინანსებულია შვედეთის საერთაშორისო განვითარების სააგენტოს (SIDA) მიერ