თუ რუსეთის ხელისუფლება აცხადებს, რომ იგი საქართველოს პრეზიდენტს არ ენდობა, ჩვენ საერთოდ არავის ვენდობით რუსეთის ფედერაციაში, - განაცხადა საქართველოს საგარეო საქმეთა მინისტრმა გრიგოლ ვაშაძემ რადიოსადგურ "ეხო მოსკვისათვის" მიცემულ ინტერვიუში.
"ჩვენ არავის ვენდობით რუსეთის ფედერაციაში, იმიტომ, რომ მიხეილ სააკაშვილამდე, 1991 წლიდან ანუ საქართველოს დამოუკიდებლობის აღდგენის შემდეგ საქართველომ 5 შეიარაღებული კონფლიტი გადაიტანა რუსეთის ფედერაციასთან. მაშინ როდესაც რუსული რუსული მოიერიშეები კუდზე გადაღებილი წითელი ვარსკვლავებით ბომბავდნენ ქალებსა და მოხუცებს, ხოლო შენდეგ კი აფხაზეთში მოწყობილ ეთნოწმენდაში მონაწილეობდნენ. მეორეში სხვათაშორის", _ აცხადებს ვაშაძე და აღნიშნავს, რომ საქართველოს პირველი ეთმოწმენდაც კარგად ახსოვს ცხინვალის რეგიონში, როდესაც "რუსეთის ვერტმფრენების პოლკი მამაცურად დევნიდა იქიდან ქართველებს და დევნილების პირველი ნაკადი საქართველოს სწორედ ცხინვალიდან გვყავდა 1991-1992 წლებში.
"ეს ყველაფერი ძალიან კარგად გვახსოვს. საკითხი იმაში კი არ არის ვის ვინ მოსწონს და ვინ ვის ენდობა. მეც არ მომწონს ბევრი რამე, მაგრამ მოსკოვისაგან განსხვავებით პიროვნულზე არ გადავდივარ. მიხეილ სააკაშვილი საქართველოს მესამე პრეზიდენტია. გახსენით რუსული პრესა 1991 წლიდან და იპოვეთ იქ ერთი დადებითი პუბლიკაცია მაინც საქართველოს ხელმძღვანელებთან დაკავშირებით. ქართველი ხალხის არჩევანი მოსკოვისათვის გამუდმებით მიუღებელია", _ აცხადებს გრიგოლ ვაშაძე.
მისივე თქმით. გამსახურდია, შევარდნაძე და სააკაშვილი - სამი აბსოლუტურად განსახვავებული, სხვა და სხვა იდეოლოგიის მატარებელი ადამიანი, რომლებიც მზად არ იყვნენ დაეთმოთ მხოლოდ ერთი საკითხი - საქართველოს ტერიტორიული მთლიანობა და სუვერენიტეტი - რაც მოსკოვისათვის პრინციპულად მიუღებელია.
