უკრაინაში Skype-ის მოხმარებაზე შესაძლოა გადასახადი დააწესონ.
უკრაინის კავშირგაბმულობისა და ინფორმატიზაციის რეგულირების საკითხების ეროვნულმა კომისიამ შესაძლოა გადაწყვეტიულება მიიღოს და უკრაინაში სხვადასხვა მესინჯერების მოხმარებაზე გადასახადები დააწესოს.
კავშირგაბმულობისა და ინფორმატიზაციის რეგულირების საკითხების ეროვნული კომისიის
ხელმძღვანელის პეტერ იაცუკის განმარტებით, ქვეყნის მთავრობა Skype-ისა და სხვა მესინჯერების მოხმარებაზე გადასახადის დაწესებას აპირებს.
„ახალი შემოსავლების მიღება შესაძლებელი იქნება კონტენტზე ხელმისაწვდომობის მონეტარიზაციით. ოპერატორები მზად არიან და სრული უფლებაც აქვთ ინტერნეტპროგრამების მონაცემთა გადაცემის გარკვეული შემოსავალი მიიღონ. დღეისათვის ყველა ქსელი გამოიყენება, როგორც სატრანზიტო მილი. შედეგად კომპანიებს აღარ სურთ ქსელების მოდერნიზაცია გააგრძელონ. ჩვენ აუცილებლად შევიმუშავებთ ნორმალურ დოკუმენტებს საინფორმაციო მომსახურეობისა და წვდომის კუთხით. ამჟამად ჩვენ პირველ ეტაპზე ვიმყოფებით - ეხლა მხოლოდ კარებს ვაღებთ. თუმც არ ვიცით ამის შემდგომ რა იქნება"- განაცხადა იაცუკიმ.
იაცუკის განმარტებით, ამ მიზნით, კავშირგაბმულობისა და ინფორმატიზაციის რეგულირების საკითხების ეროვნული კომისია იმუშავებს, როგორც ტელეკომუნიკაციის ოპერატორებთან ასევე იმ კომპანიებთან რომლებიც ინტერნეტმომსახურეობას ეწევიან.
„ნათელი მაგალითია - Skype. სამი წლის განმავლობაში უცნობი კომპანია მილიარდობით აქტივის მფლობელი გახდა. ეს კომპანია, ასე რომ ვთქვათ ვირტუალურია და მას უფრო მეტი და მეტი შემოსავალი მოაქვს. რეგულატორები მისგან უფრო ხარისხიან მომსახურეობას მოითხოვენ - ქსელის გაფართოებას. თუმცა ამისათვის ოპერატორებს შესაბამისი თანხები არ აქვთ. ეს დიდი პრობლემაა, რომელიც ჩვენ ერთობლივი ძალებით უნდა გადავწყვიტოთ. ჩვენ გვექნება 100 მგბტ/წმ - ქესლზე წვდომის სიჩქარე, მაგრამ მომსახურეობის ხარისხი, როგორც dial up-ის. ხოლო მეოთხე თაობის მობილური ოპერატორები - 4G (LTE) - უბრალოდ გახდებიან არამომგებიანნი.", - მიიჩნევს კავშირგაბმულობისა და ინფორმატიზაციის რეგულირების საკითხების ეროვნული კომისიის ელმძღვანელი.