ცესკო-ში პრეზიდენტობის ერთ-ერთი კანდიდატის, ვიქტორ იანუკოვიჩის წარმომადგენელის ელენა ლუკაშის შეფასებით, "საქართველოს მოქალაქეების უმეტესობა, რომლებსაც უკრაინის საპრეზიდენტო არჩევნებზე დაკვირვება სურს, უმუშევარი, გაუნათლებელი და "ბომჟია".
"თითქმის 2 ათასამდე განცხადება განვიხილეთ და მათგან მხოლოდ სამასამდე შეფასდა მეტ-ნაკლებად დადებითად. 119 ანკეტა საერთოდ დუბლირებულია, ნაწილმა კი პროფესიის აღმნიშვნელ დაფაში დეფისი დასვა, რაც იმას ადასტურებს, რომ მათი უმეტესობა გაუნათლებელი და უმუშევარია. რაც ყველაზე მნიშვნელოვანია, არც ერთ იმ პირს, რომელსაც არჩევნებზე დაკვირვება სურს, შესაბამისი გამოცდილება არ აქვს", - განაცხადა ლუკაშიმ.
შეგახსენებთ, რომ უკრაინის ცესკო-ს გადაწყვეტილება ადგილობრივმა არასამთავრობოებმა და იულია ტიმოშენკოს პარტიამ სააპელაციო სასამართლოში გაასაჩივრა. პროცესი ადგილობრივი დროით 09:00 საათზე იყო ჩანიშნული.
