2 მარტს, 13:45 საათზე, სასტუმრო "ჰოლიდეი ინში" საქართველოს ეკონომიკისა და მდგრადი განვითარების მინისტრი ვერა ქობალია თბილისში ვიზიტად მყოფ უკრაინის დელეგაციას შეხვდება, რომელშიც ქალაქ ოდესის მერი ალექსეი კოსტუსევი, ხელისუფლებისა და ბიზნესსექტორის წარმომადგენლები შედიან.
15:15 საათზე სასტუმრო "ჰოლიდეი ინში", საქართველოს ეროვნული საინვესტიცო სააგენტოს ორგანიზებით, გაიმართება ბიზნესშეხვედრები ქართველ და უკრაინელ ბიზნესმენებს შორის. უკრაინის დელეგაციაში შემავალი ბიზნესმენები წარმოადგენენ კომპანიებს სამშენებლო, ტელეკომუნიკაციის, ტრანსპორტის, ტურიზმის, სოფლის მეურნეობის და მსუბუქი მრეწველობის სექტორებიდან. მათი მიზანია საქართველოში ბიზნესპარტნიორების მოძიება და მათთან საქმიანი ურთიერთობის დამყარება.
