აჭარის მთავრობამ ახალი საწარმოს მშენებლობისთვის ინვესტორი იპოვა.
აჭარის ფინანსთა და ეკონომიკის სამინისტროს ინფორმაციით, ბათუმში, 3032,72 კვ.მ. შენობა-ნაგებობა და მასზე მიმაგრებული 22 606 კვ.მ. მიწის ნაკვეთი ელექტრონულ აუქციონზე 486 ატას ლარად გაიყიდა. ობიექტის საწყისი ღირებულება კი 476 ათასი ლარი იყო.
საპრივატიზებო პირობების თანახმად, ინვესტორი, კომპანია "ტექნო სერვისი" ვალდებულია, 2013 წლის 20 დეკემბრამდე ბათუმში ახალ საწარმო ააშენოს. "ტექნო სერვისი" ვალდებულია, ასევე, საწარმოს ამოქმედებიდან მომდევნო 2 წლის განმავლობაში საწარმოში 50 მოქალაქე დაასაქმოს და პროექტში არანაკლებ 1,3 მლნ. ლარის ინვესტიცია განახორციელოს.