საქართველოს ხელისუფლებამ აფხაზებსა და ოსებს თანამემამულეობის გრძნობა ვერ დაუბრუნა. ამის შესახებ საპარლამენტო დებატებისას „ქრისტიან-დემოკრატების" ლიდერმა გიორგი თარგამაძემ განაცხადა.
„მე აქ წარმოვადგენ აფხაზ და ოს თანამემამულეებს, რომლებთან შეხვედრას მხოლოდ საზღვარგარეთ ვიზიტისას თუ მოახერხებ. ისინი იქ ისეთივე დევნილები არიან, როგორც ეთნიკურად ქართველი თანამოძმეები სოხუმიდან, გაგრიდან, ცხინვალიდან, საქართველოს ხელისუფლებამ ვერაფერი გააკეთა იმისთვის, რომ აფხაზებსა და ოსებს თანამემამულეობის განცდა დაუბრუნოს და ისინი მოსკოვში კი არ ხედავდნენ გადარჩენის შანსს, არამედ ერთიანი, ძლიერი, დემოკრატიული, ეკონომიკურად წარმატებული საქართველოს წიაღში", - აღნიშნა თარგამაძემ.
