2011 წელს საქართველოდან ექსპორტირებული ატმის მოცულობა 50 %-ით გაიზარდა. როგორც სააგენტო "ჯი-ეიჩ-ენს" "საქსტატში" განუცხადეს, 2011 წელს საქართველოდან 283,9 ტონა ატმის ექსპორტი მოხდა, მაშინ, როდესაც 2010 წელს ქვეყნიდან 189,4 ტონა ატამია გატანილი.
"საქსტატის" ინფორმაციით, 2011 წელს ატმის ექსპორტი აზერბაიჯანში, ბელორუსსა და ყაზახეთში განხორციელდა. 2011 წელს საქართველოდან 120,5 ათასი დოლარის ატამია გატანილი, მაშინ, როდესაც 2010 წელს საქართველოდან გატანილია 74,8 ათასი დოლარის ატამი. აღსანიშნავია, რომ 2011 წელს ატმის საექსპორტო არეალი შემცირდა, რადგანაც 2010 წლისგან განსხვავებით, 2011 წელს საქართველოდან უკრაინაში ატმის ექსპორტი აღარ განხორციელებულა.
