საქართველოდან ექსპორტირებული ბანანის მოცულობა 2,5-ჯერ შემცირდა. ვინაიდან საქართველოში ბანანი არ იწარმოება, საქმე გვაქვს რეექსპორტთან. "საქსტატის" ინფორმაციით, 2011 წელს საქართველოდან გატანილია 364,9 ტონა ბანანი, მაშინ როდესაც 2010 წელს საქართველოდან სხვადასხვა ქვეყანაში 915,2 ტონა ბანანია გადაზიდული.
"საქსტატის" ინფორმაციით, 2011 წელს საქართველოდან გატანილი ბანანის საერთო ღირებულება 388,7 ათას დოლარს შეადგენს, ხოლო 2010 წელს საქართველოდან 986,6 ათასი დოლარის ბანანია გატანილი. როგორც სააგენტო "ჯი-ეიჩ-ენს" "საქსტატიდან" აცნობეს, 2010-2011 წლებში ბანანის ექსპორტი მხოლოდ სომხეთსა და აზერბაიჯანში განხორციელდა.
