თბილისის მთავრობას უფლებამოსილება ენიჭება, ადგილობრივ საკუთრებაში არსებული მოძრავი ნივთის, აქციებისა და წილების სახელმწიფო სტრუქტურებისთვის გადაცემის გადაწყვეტილება მიიღოს.
აღნიშნულთან დაკვშირებით პარლამენტის ბიუროს სხდომაზე დღეს ახალი საკანონმდებლო ინიციატივა შევიდა, რომელიც "საქართველოს დედაქალაქის - თბილისის შესახებ" კანონში ცვლილებებს ითვალისწინებს.
კანონპროექტის თანახმად, თბილისის მთავრობა უფლებამოსილი იქნება, გადაწყვეტილება მიიღოს ადგილობრივ საკუთრებაში არსებული მოძრავი ნივთის, აქციებისა და წილების სახელმწიფოსთვის, ავტონომიური რესპუბლიკებისთვის, თვითმმართველი ერთეულებისთვის საკუთრებაში უსასყიდლოდ გადაცემის შესახებ.
საკანონმდებლო ინიციატივა თბილისის მთავრობის კომპეტენციასთან დაკავშირებულ საკითხებსაც არეგულირებს.
