ცნობილი ამერიკელი მსახიობი დემი მური ჰოსპიტალიზებულია, ამის შესახებ ინფორმაციას ინტერნეტპორტალი TMZ-ი ავრცელებს, რომელიც ძირითადად ცნობილი ადამიანების სიახლეებზე წერს.
საიტის ინფორმაციით, სასწრაფო დახმარების ექიმებმა მსახიობის საავადმყოფოში გადაყვანის გადაწყვეტილება მიიღეს. საიტის წყარო იტყობინება, რომ დემი მურმა გაურკვეველი ნივთიერების დიდი დოზა მიიღო.
TMZ-ს მსახიობის გარემოცვამ განუცხადა, რომ დემი მურმა სამედიცინო დაწესებულებას მხოლოდ პროფილაქტიკური მიზნით მიაკითხა.
