საფრანგეთის კულტურის მინისტრის მეუღლემ სიცოცხლე თვითმკვლელობით დაასრულა. სააგენტო "ფრანს პრესის" ინფორმაციით, რომელიც თავის მხრივ ქვეყნის განათლების სამინისტროს ეყრდნობა ასტრიდ ხერრენშმიდტმა, საფრანგეთის განათლების მინისტრის ლიუკ შატელის მეუღლემ კვირას დილით თვითმკვლელობა განახორციელა.
"ლიუკ შატელმა პირადი დრამის ეს ფაქტი დაადასტურა. ის სთხოვს ყველას, რომ პატივისცემა გამოხატონ მისი პირადი ცხოვრების, მისი შვილების, მისი ოჯახისა და მის მიმართ", _ ნათქვამია სამინისტროს მიერ გავრცელებულ განცხადებაში.
პოლიციაში არსებულ წყაროებზე დაყრდნობით, ასტრიდ ხერრენშმიდტის ცხედარი მისბინაში პარიზთან ახლოს აღმოაჩინეს. ის თუ კონკრეტულად როგორ მოიკლა მან თავი უცნობია. ასტრიდ ხერრენშმიდტი შატელს ცოლად 1991 წელს გაჰყვა. მათ ოთხი შვილი ჰყავთ.
