რუსეთის ერთ-ერთ ქალაქში, ნოვოჩერკესკსში, მაწანწალა ძაღლების ხროვამ 7 წლის ბიჭი დაგლიჯა. ინფორმაციას ამის შესახებ რუსული მედია ავრცელებს.
წინასწარი ინფორმაციით, ბავშვი დედის მოსანახულებლად მიდიოდა, რომელიც თავისი ახლობლის აგარაკს უვლიდა. ბავშვს თავს ძაღლები სწორედ აგარაკისაკენ მიმავალ გზაზე დაესხნენ.
"სასამართლო-სამედიცინო ექსპერტებმა დაადგინეს, რომ გარდაცვალება მრავლობითმა დაზიანებებმა გამოიწვია, რომლებიც ნაგლეჯი ჭრობების სახის ძაღლების თავდასხმის შედეგად გაჩნდა", _ იუწყება რუსული მედია.
გამოძიების ორგანოები დეტალურად იკვლევენ მომხდარს და არკვევენ საკითხს აღნიშნულთან დაკავშირებით სისხლის სამართლის საქმე უნდა აღიძრას თუ არა. ამასთან ერთად, პოლიციამ ქალაქის ადმინისტრაციაში უკვე გააგზავნა მოთხოვნა იმასთან დაკავშირებით, რომ მათ მაწანწალა ძაღლების დაჭერისკენ მიმართული სამუშაო გაააქტიურონ.
