თბილისის მოსწავლე-ახალგაზრდობის სასახლეს სახელწოდება ეცვლება და ის თბილისის მერიის ბალანსიდან სპორტისა და ახალგაზრდულ საქმეთა სამინისტროს ბალანსზე გადადის. ამის შესახებ განცხადება პარლამენტის პლენარულ სხდომაზე ქრისტიან-დემოკრატების~ წევრმა ლევან ვეფხვაძემ გააკეთა.
ვეფხვაძე ხელისუფლებისგან მოითხოვს განმარტონ, რატომ ეცვლება მოსწავლე-ახალგაზრდობის სასახლეს სახელი და რატომ უნდა ეწოდოს მას ახალგაზრდობის სახლი, რატომ გადადის ის სპორტისა და ახალგაზრდულ საქმეთა სამინისტროს ბალანსზე და არა განათლების სამინისტროს ხელში.
ვეფხვაძემ დღეს უმრავლესობას ისიც შეახსენა, რომ ხელისუფლება ~ვარდების რევოლუციიდან~ ერთ წელში სწორედ მოსწავლე-ახალგაზრდობის სასახლეს ~მიადგა~, თუმცა, მაშინ საკუთარი მიზნების გახორციელება ვერ შესძლო.
ოპოზიციონერი ვიცე-სკიკერს აინტერესებს ამჟამინდელი გადაწვეტილება არის თუ არა გაგრძელება იმ მცდელობებისა, რასაც 2004 წელს ჰქონდა ადგილი.
