"საქართველოს მოდის კვირეულის" და "თბილისის მოდის კვირეულის" გაერთიანების შესახებ ჯერ გადაწყვეტილება არ გვაქვს მიღებული", - განუცხადა "ჯი-ეიჩ-ენს" თბილისის მოდის კვირეულის ორგანიზატორმა, თაკო ჩხეიძემ.
როგორც ჩხეიძემ განაცხადა, "საქართველოს მოდის კვირეულის" ხელმძღვანელთან, მაკა მეტრეველთან საუბრის დროს მან გაერთიანებაზე უარი უკვე დაგეგმილი ღონისძიების გამო თქვა.
"ჩვენ შორის დროებით ვერ შედგა შეთანხმება, თორემ სამომავლოდ არ არის გამორიცხული, ორივე მოდის კვირეული გავაერთიანოთ", - აღნიშნა ჩხეიძემ.
შეგახსენებთ, რომ საქართველოს მოდის კვირეულის ორგანიზატორმა, მაკა მეტრეველმა, კვირეულის დასრულების შემდეგ ერთ-ერთ გაზეთში ინტერვიუ გამოაქვეყნა, სადაც აღნიშნავს, რომ მასა და თაკო ჩხეიძეს შორის გაერთიანების შესახებ შეთანხმება ვერ შედგა.
