კომპოზიტორი ოთარ ტატიშვილი უარყოფს, რომ ბიძინა ივანიშილისგან დახმარებას იღებს. კომპოზიტორი ტელეკომპანია "იმედის" გადაცემის "ღამის შოუ"-ს წამყვანის ოთარ ტატიშვილის 20 ნოემბერს გაკეთებულ განცხადებას ეხმიანება, რომლის მიხედვით, კომპოზიტორი ოთარ ტატიშვილი ბიზნესმენ ბიძინა ივანიშვილისგან იღებს დაფინანსებას 1000 ლარის ოდენობით.
" ოთარ ტატიშვილმა, გადაცემის მსვლელობისას მომიხსენია მე, კომპოზიტორი ოთარ ტატიშვილი და აღნიშნა, რომ მე ვიღებ ბიზნესმენ ბიძინა ივანიშვილისგან დაფინანსებას 1000 ლარის ოდენობით.
ამასთან დაკავშირებით მინდა განვაცხადო კატეგორიულად: მთელი ჩემი შემოქმედებითი მოღვაწეობის მანძილზე არასდროს, არც ერთი სუბიექტისგან არ მიმიღია არავითარი მატერიალური "შემწეობა", სტიპენდია, დახმარება. ჩემთვის მიუღებელია საზოგადოების შეცდომაში შეყვანა, მით უმეტეს, როცა ასეთი თხოვნით არასოდეს არავისთვის მიმიმართავს", - ნათქვამია კომპოზიტორის მიერ დღეს გავრცელებულ განცხადებაში.
