საჯარო რეესტრმა სულ ცოტა ხნის წინ მომხმარებელს ახალი მომსახურება შესთავაზა. მოქალაქეებს, რომლებსაც უძრავი ქონების გაყიდვა, გაქირავება ან დაგირევება სურთ, საშუალება აქვთ სრულიად უფასოდ გამოაქვეყნონ განცხადება გაზეთ „24 საათში" და საჯარო რეესტრის ვებპორტალზე.

ამისათვის შეუძლიათ აირჩიონ მათთვის ყველაზე მოსახერხებელი მომსახურება: სახლიდან და ოფისიდან გაუსვლელად დარეკონ საჯარო რეესტრიში ნომერზე 2 91 11 29 ან საინფორმაციო ცენტრ 09-ში და ოპერატორს უკარნახონ განცხადების შინაარსი უძრავი ქონების გაყიდვისა, გაქირავების თუ დაგირავების შესახებ;

განცხადება გაზეთ „24 საათში" მიწოდებინად მაქსიმუმ 3 დღეში გამოქვეყნდება და ზედიზედ გაზეთის 4 ნომერში გამეორდება, ვებგვერდზე კი ვადაში შეუზღუდავად განთავსდება.

ამ მომსახურებას საინფორმაციო ცენტრი „09" მოქალაქეებს სრულიად უფასოდ შესთავაზებს.

გარდა ამ სერვისისა, უახლოეს მომავალში მოქალაქეებს შეეძლებათ საინფორმაციო ცენტრში მოითხოვონ ინფორმაცია თუ რომელი ბინა იყიდება, ქირავბა ან გირავდება მათთვის საინტერესო უბანში. საინფორმაციო ცენტრი „09" ოპერატორი სულ რამოდენიმე წუთში მიაწოდებს მოქალაქეს აღნიშნულ ინფორმაციას.
მემორანდუმის თანახმად, საინფორმაციო ცენტრი „09" საჯარო რეესტრის ელექტრონული პროგრამების ავტორიზებული მომხმარებელი ხდება. შესაბამისად, ცენტრის ოპერატორები მოქალაქეებს მაქსიმალურად სწრაფად და ამომწურავად მიაწვდიან ინფორმაციას საჯარო რეესტრში რეგისტრირებული უძრავი ქონების შესახებ.