EBRD-ს დირექტორის კავკასიაში, მოლდოვასა და ბელორუსიაში პოლ-ჰენრი ფორესტეირის გათვლებით, ქვეყანაში 750 მილიონი დოლარის პირდაპირი უცხოური ინვესტიციის შემოდინებაა ნავარაუდევი.
როგორც მან განმარტა, წელს დაგეგმილი ინვესტიციების მოცულობა ორჯერ ნაკლებია ვიდრე ეს 2008 წელს იყო.
"ის, რომ ჩვენ ვართ პატარა ქვეყანა და ამიტომ ვერ ვიზიდავთ ინვესტორებს, არ არის სწორი. ჩემი აზრით ჯერ კიდევ ბევრია გასაკეთებელი", - განაცხადა პოლმა.
პოლ-ჰენრი ფორესტეირის განმარტებით, საქართველოში დასახვეწია კანონდებლობაც.
მისივე განმარტებით, სამთო მომპოვებელი კანონმდებლობა ქვეყანაში არის ანტიკვარული და უცხოური კომპანიები ზედმეტად არ დაიქირავებენ იურისტებს რათა ამ მიმართულებით იმუშაონ და ქვეყანაში სამთომოპოვებაში დააბანდონ კაპიტალი.
როგორც EBRD-ის წარმომადგენელმა განმარტა ევრობანკს გააჩნია ამ მიმართულებით მუშაობის გამოცდილება, რადგანაც რამდენიმე ქვეყანაში ევრობანკმა სამთომოპოვების კოდექსი უკვე დაწერა.
პოლ-ჰენრი ფორესტეირის ინვესტიციების ნაწილში არ ეთანხმება ეკონომიკისა და მდგრადი განვითარების მინისტრი.
როგორც ვერა ქობალია განმარტავს 2007-08 წლებში შემოსული ინვესტიცეიბის მოცილობა მართლაც იყო მაღალი, თუცმა ეს განპირობებული იყო არსებული პრივატიზაციით, თუმცა როგორც ვერა ქობალიამ განმარტა, დღეისათვის ქვეყანში გასაყიდი ფაქტობრივად აღარაფერი აღარ დარჩა.
როგორც მინისტრმა კონფერენციაზე განმარტა, 2011 წელს საქართველოს ეკონომიკური ზრდა დაგეგმილია 5,5 პროცენტის ფარგლებში, თუმცა მთავრობის ვარაუდით ეკონომიკური ზრდა 6 პროცენტს მიაღწევს.
