sky georgia -სთვის ნატოს ტვირთების ევროპაში ტრანსპორტირებისთვის ჩამორთმეულ ლიცენზიაზე პირველ კომენტარს ეკონომიკისა და მდგრადი განვითარების მინისტრი ვერა ქობალია აკეთებს.
"ეს ეხება არა მარტო გიორგი კოდუას კომპანიას, არამედ სხვა კომაპნიებსაც, რომელბსაც არ ჰქონდათ ის სტანდარტები დაცული, რომელსაც ევროკავშირი ითხოვს. ჩვენ ხვალ საქართველოში გვაქვს ევროკავშირში ტრანსპორტის კომისარის ვიზიტი, რომელთანაც წელს ოთხი შეხვედრა უკვე გვქონდა და რომელმაც კარგად დაგვისაბუთა თუ რა უნდა გავაკეთოთ ჩვენ - ავიაციის სააგენტომ რათა დაინერგოს სტანდარტები, მათ შორის საუბარი იყო ძველი და ტექნიკურად გაუმართავი თვითმფრინავების გამოყენებაზე", - განაცხადა ქობალიამ.
როგორც დღეს sky georgia -ს ხელმძღვანელმა გიორგი კოდუამ განმარტა, მისთვის ყოვლად დაუსაბუთებლად იქნა ჩამორთმეული აღნიშნული ფრენის ლიცენზია, რაზეც ვერა ქობალიას პასუხი იყო რომ "ბატონ კოდუას ჰქონდა ბევრი შეხვედრა ჩემთან და ასევე ჩემს მოადგილეებთან. ჩვენ მასთან არაერთხელ განვიხილეთ ეს საკითხი და ეს მას ძალიან კარგად ესმის".