ქვეყანაში რეფორმები მიმდინარეობს და გატარებული რეფორმების ხარჯზე ბიზნესისთვის უფრო ხელსაყრელი გარემო იქმნება, - ამის შესახებ ფინანსთა მინისტრმა დიმიტრი გივინდაძემ სასტუმრო რადისონში გამოცემა "ეკონომისტის" კონფერენციაზე განაცხადა.
მისი თქმით, საქართველომ ბოლო პერიოდში, რაც საგადასახადო და საბაჟო რეფორმების კუთხით გატარდა, შექმნა ის გარემო, რომელიც ასე ხელსაყრელია ბიზნესისთვის
"ეკონომიკის" ანგარიშებსა და კვლევებს ყველა ინვესტორი კითხულობს. მათ შორის ისინიც, ვინც საქართველოს ერთ-ერთ საინვესტიციო ვექტორად განიხილავს. ამ კონფერენციას დიდი დატვირთვა აქვს, რომელზედაც ვიხილავთ ფისკალურ პოლიტიკას, ფულად-საკრედიტო პოლიტიკას და იმ რეფორმებს, რომელიც გატარდა. საუბარია იმაზეც თუ რამდენად დაცულია საქართველო იმ ტენდენციებისგან რომელიც ევროპაში ვითარდება. საქართველომ ბოლო პერიოდში, რაც საგადასახადო და საბაჟო რეფორმების კუთხით გატარდა, შექმნა ის გარემო, რომელიც ასე ხელსაყრელია ბიზნესისთვის და ბიზნესისთვის ასეთი გარემოს შექმნა არ არის ერთი და ორი დღის ძალისხმება, ის მოითხოვს მუდმივს დიალოგს ბიზნესთან. რაც უფრო მარტივდება პროცედურები მით უფრო უმჯობესდება ბიზნეს გარემო", - განაცხადა დიმიტრი გვინდაძემ.
