ქართველ მეწარმეებს შესაძლებლობა ეძლევათ 15-16 დეკემბერს ინდოეთში დაგეგმილ საერთაშორისო კონფერენცია "დელის ეკონომიკის კონკლავი" დაესწროს.
საქართველოს სავაჭრო-სამრეწველო პალატის ინფორმაციით, ეს არის პირველი კონფერენცია, რომელშიც მონაწილეობას მიიღებენ ეკონომიკის სფეროში მომუშავე სამეცნიერო და აკადემიური წრეების წარმომადგენლები, პრაქტიკოსები, ეკონომიკური პოლიტიკის განმსაზღვრელები და სხვა დაინტერესებული პირები. კონკლავის ფარგლებში განიხილება მაკროეკონომიკური საკითხები, რომლებიც დაკავშირებულია განვითარებასთან, აგრეთვე ფინანსებთან და გლობალიზაციასთან.
