მიმდინარე წლის ბიუჯეტი 213 მილიონი ლარით გაიზრდება.
ბიუჯეტის პროექტით, დაახლოებით 120 მილიონი ლარით იზრდება საგადასახადო შემოსავლები, სხვა შემოსავლებისგან მიღებული თანხა კი 100 მილიონ ლარს აღწევს.
ბიუჯეტში ცვლილებების პროექტი პარლამენტში დღეს შევიდა. მთავრობის საპარლამენტო მდივნის, გია ხუროშვილის განცხადებით, საგადასახადო შემოსავლების ზრდა დაბალი საგადასახადო წნეხის პირობებში, შესაბამისი სტიმულირების ზრდის, რეფორმებისა და ინოვაციების შედეგია.
მიმდინარე წლის ბიუჯეტში ცვლილებების პროექტს პარლამენტი 24 ნოემბერს სესიაზე განიხილავს და ამავე დღეს დაამტკიცებს.